بَسک يا دهر وياي تترامه بَسهام

بَسک يا دهر وياي تترامه بَسهام***
بدهلة وظلام وشوک وغططني للهام

عضني الوکت بنياب ودولبني بالبـَين***
هم صَکني بالجلمود وهم صوب العين

ومن اذکر الگعدات أنحب وآلوجن***
وآشهگ واصيح ابصوت: هلبت يعودن

يبست اعروگ الروح، چَن طَـگـهَ صَيهود***
وبمنجلِ اللوعـات حَشّـهِـن ولا عود

نسمة رِبِيع اهنا، أهجِسهَ يَحموم***
وَعذَيـبي أهيّسَه ويَـاک، ولو چانت اسّموم

ضاگت عَليّـه الگاع ومطرَتني الهموم***
ونَـعّـگ ابروحي غراب، وهم نِـعبَت البوم

عِلّـه وغِدَت بحشاي من انته ما جيت***
وتبره وتطيب ابساع، إنچان انته وافيت