ماتت وغاب النور عن شوف عيني

الشمس كانت تحتضر بالسماء لين
.................... ماتت وغاب النور عن شوف عيني


والليل أقبل في ثياب المعزين
.................... طبطب على كتفي وصافح يميني


واليوم غابت ام كل المساكين
.................... والخير بفراق الفقيدة حزيني


في قربها كنت أعرف إن الزمن زين
.................... كانت تجي ما بين همي وبيني


وفي بعدها كل الخلايق بعيدين
.................... كن الفرح بغيابها ما يبيني


يالغالية يا الساكنة بالشرايين
.................... يالصورة اللي خالدة في سنيني


ما زلت أمنع في يدي ما طر العين
.................... خايفة أصدق موتتك تتركيني


يموت هالعالم ولا إنتي تموتين
.................... لا ما تحمل غيبتك صدقيني


تكفين يمّه لا تروحين تكفين
.................... من قبل ما تمسح يدينك جبيني


حطوك في قبرك وخلوك مقفين
.................... ياليتهم في دفنتك دافنيني


يا ويل قلبي كن بالقلب سكين
.................... والحزن كله في غيابك يجيني


أهوى رجوعك بس وينك وانا وين
................... عمر الزمن ما رجع الغايبيني


الله


خلقنا


طين


ونعود


للطين


................... يـــا رب ترحم ميت المسلميني