لأنك مو طبيعي راح اجيبلك الشمس والكمر مشايه

لأنك مو طبيعي راح اجيبلك الشمس والكمر مشايه



مدري شكد حلو وسبحان من سواك
براءة طفل بيك وطيبة ولاية


اذا اسمع حجاية ومنك يكولون
اكوم بلا عقل واشبكهة الحجاية


خيعونة اليشوفك وانت سورة شوك
أجر ينعد اله كلما يمر بآية


اذا اشوفك تمشط بية احس النار
احسد جف اديك ووجه المراية


وسيلة انت جنت وببالي صار سنين
صح جانت وسيلة ،، تحولت غاية


راح اعتني لبيتك مشية مثل هالناس
وماجيبن بشر واعتذر عن هاية


لأنك مو طبيعي ومثل نجم الليل
اجيب آنه الشمس والكمر مشاية


امس يم دجلة واكف ردت تشرب ماي
شال جروفة دجلة وشربك مايه


ومدري شكد احبك .. آنه احبك حيل
وقليل بهاي احس لو احبك هواية


صار الكلب راية وبس الك مسموح
شوف بيا مكان وثبت الراية