اذا انته ماعندك فلوس وشكلك حديقة وهدومك مال باله ... تعال افيدك من تنسق ويه بنيه

السلام عليكم ورحمة الله وبركاتهُ



اخوتي الأعزاء والمهوسين والمهوسات اسعد الله ايامكم باليمن والبركة



منورين قسم الحشاشه




المهم موضوعي على كل ولد امحدق وكل ولد شعره واكع وكل ولد ميعرف يحجي ويه بنية


اي بمعنى هذة الموضوع الشكو حديقة الله خالقه



اليك يا صديقي الخطوات اللازمه لكي تجعل البنية حتى لو تنتبهلك



اولاً : لتسوي نفسك فقير وحباب ولتضحك هواية لأن اذا ضحكت كبالهه راح تركض البنية وتفز من خلقتك الكشره


ثانياً : لتلبس تراكسود من تنسق انزعه واحركه واشمره بأقرب مزبلة
البس كابوي بوري مع قميص مشجر ابيض ووردي وحذائك فلات
ولتسوي ***وكة صارت قديمة ولتحط جلدايه مال موبايل ببنطرونك
عوفوا هالسالفة مو اتخزينة كدام البنات من وراكم



ثالثاً : اذا شفتهه ويه اهلهه اتقربلهه وكول لاخوهه الصغير شعرك حلو اذا عيط بوجهك اضحك
واذا غلط عليك اركع ابوهه راجدي واذا امهه خنزرت عليك اجر تكسي وعدل وكبل البيتكم


رابعاً : الرقم من تكتبه اكتبه بورقة ورش عل الرقم عطر مو تكتبه بكارت بايكه من محفظة ابوك


وحاول تكتب الرقم بالانكليزي مو تكتبه بالعربي لان اذا كتبته بالعربي تعتبرك ثاني متوسط ومبطل وتشحتك


خامساً: اذا سوتلك مسكول لتخابرهه رأساً مثل المشايف انتظر ربع ساعة وخابرهه وكلهه شتريدين
مو تكلهه مشتاقلج حبي تره كلمة احبج للبنية تلزم عليك لزمه وتظل كلما تشوف ابوك تصيحلة جدو


سادساً : اذا التحبهه قريبة على بيتكم لتلبس شورت وتروح تسحل يم بيتهم
البس برموده ام القياطين وادريس مال انتر حتى تعتبرك رياضي
واذا ماعندك عضلات البس تاير براسك واكعد بطشت ولتصادق بنية