هذاك المار قدامي وله نظره قتاله
له سكسوكه حلوه بأقصى الوجه مرتسمه
حرمني النوم في ليلي..حرمني النوم عقباله
يحس الشوق في صدره ذبحه وزاد في همه
أحب أمه..احب عمه..أحب جده وأحب خاله
أموت بنظرة عيونه وأعشق كل حروف أسمه
أحب جده..أحب هزله..أموت وحالتي حاله
وإذا يطروه قدامي..أحس بداخلي صدمه
ذبحني بكثر ماأشتاق له..ذبحني بكثر أشغاله
شغلني جنن قليبي..فصلني من على الخدمه
ياريت أقدر أصيربيوم شي دايم قباله
وراه بكل مكان يروح ..شي غالي يهمه
يليتني ساعه بيده.. وأرقام بجواله
يطقطقني على كيفه..ولا أحفظ سوى رقمه
أنا أدري انه يعاني وادري صعبه أحواله
وقلبي ما يطاوعني..يبي دايم وهو يمه
وترى ما يهمني ربعه..وعذالي وعذاله
احبه بكل جنون الحب والاحساس والذمه
صحيح انهة يعذبني وظنونه على باله
لكني بعلمه كيف هو دمي وانا دمه
يقول إني انا بنسى..فال الله ولافاله
لو بنسى أنا نفسي ما انسى أبد رسمه
ياقلبي شوفلي حل بحبه صارلي عال
يا ام تجيبه لعندي..وإلا أطلبه من امه
تعال اسمع تلاحيني وشعري وحشرجات سطور
تعال اسكن مكان الدمع وشف لك دور في عيني
أنا اسمع صدى صمتك وصمتك لي صدى جمهور
تضج بناظري دمعه تزلزل كل شراييني
تعال اقطع حوار الصمت وعطر شوقنا المهجور
تعال اسكن مكان الحلم تحمل لا تصحيني
أـجيك لمملكة شعرك وكني عبدك المأمور
أجيك بكل تفاصيلي وسؤال وسؤال حاير فيني
تجي مثل الطفل ساعه ..وساعه يااالطيف تثور
تكلم..انتظر..لحظه..عساه الوقت يمديني
علامك سارح بفكرك تروح بلا رجا أو شور؟
وانا اشرب من هذاك الصمت وبعض الصمت يرويني
تقول من الغلا كنك اخذت من الغلا دستور
على طاري الغلا بسأل: بعده القلب مغليني؟؟
بعده الصبح متوله لفنجاني وبعض عطور؟
بعده (جارة الوادي)دليل لكل عنوانيني؟؟
(صباح الخير يالغالي)يرددهت هذاك السور
على خد الوله دمعه تجيك بشوق وتجيني
تدللني على كيفك وتجبر خاطري المكسور
تضيقني وسط قلبك ونبضاتك تقهويني
إذا صار الهوى لعبه..ترا لي بمسرحيتك دور
وإذا لي بمركبك حاجه..بأية حال رسيني
على غنوة(أعز الناس)..وغنوتنا (يابنت النور)
تذكر دفتري لاحمر واسمك في دواويني
تذكر بسمتي بمقطع(ياعقد من الوله منثور)
وانا انثر من بوحي كأن الشوق معميني
تمنى وانتظر وقت صعب تتوسله..مغرور
وتتذكر هذاك الود..ونبضاتي..وتلاحيني
تعال لمملكة شعري..وشوف الفرق والجمهور
ملايين الوجه انت ...وهذاب س يكفينــــــــــــــــــــــــــــــي
الخميس يوليو 14, 2011 5:01 am
