علي بالموت ادعي

علي بالموت ادعي وخله يمسحني
**ولافديوم بيدك غدر تجرحني
عزيز انته علي وتدري زين بهاي**
كتابك لني وبفكرك توضحني
قفل دلالي باسمك وانته اله المفتاح**بس نغمات صوتك هي تفرحني
اذاحبرالغدرلامس كفا الدلال**صدكني بثواني حساب يطرحني
نعم سامحتك انه وطاح كل الصار**لكن شرد اكلك كلبي ضل محني
رمح خليت بيه صعبه الحجي يداويه**وعلي تاخرت ولتك سامحني
سامحتك كلتلك مثل طبعي وياك**وايدي على الجرح والوجع يفضحني
لتلوم الجفن لوشفته يجري دموم**لأن ماتدري ذنبك وين طوحني
نكطع نبض الكرامه وطاح فوك الكاع**من حديت سيفك حته تذبحني